افضل برنامجين للتحميل بالتورنت

طبعا التحميل بالتورنت يختلف كثيرا من التحميل المباشر من السيرفرات المختلفة .. لانو من ميزاتو انو ممكن تستكمل التحميل في اي لحظة انشاء الله لو بعد سنة .. وممكن يصل لسرعات عالية جدا .. كمان بتجد مواد للتحميل بالتورنت ماممكن تلقاها بالسيرفرات العادية ... وفيهو ميزات كثيرة وطبعا في عدة برامج للتحميل بالتورنت لكن انا حاذكر ليكم احسن اثنين في راي
الاول بدون منازع طبعا utorrnt
[ندعوك للتسجيل في المنتدى أو التعريف بنفسك لمعاينة هذا الرابط]
وده شكلو

كمان من مميزاتو انو حجمو صغير ومابيأقر على الكمبيوتر يعني ممكن تشغلو وتنساهو
وممكن كمان يتعرب... اها هاكم ملف التعريب تلصقوه فىC/programfiles/utorrent
[ندعوك للتسجيل في المنتدى أو التعريف بنفسك لمعاينة هذا الرابط]

وبعد داك ممكن تغير اللغة من الاعدادات ودي مادايره شرح ...

يلا البرنامج التاني واسمو
bitcomet
وحملوه من الموقع ده
[ندعوك للتسجيل في المنتدى أو التعريف بنفسك لمعاينة هذا الرابط]

وده عادة بتلقو منو نوعين
الاول ست أب عادي
والثاني بورتابل يعني مابحتاج ست أب بجي مضغوط بس عليك تفك الضغط وتدخل الملف وتضغط الايقون وهو بيشتغل براهو وده النوع الانا بفضلو
ودى صورتو

ودي صورة لاصدار قديم لكن كلهم بتشابهو .. ماتنسو تعملو اكاونت للبرنامج مع انو ما باثر لكن برضو بفيد
طبعا في انواع تانية كتير لبرامج التورنت وعلى العموم كلها بتشتغل بنفس الطريقة بي بتكون في ميزات اضافية لبرامج اخري يعني مثلا تربطك بمواقع التورنت مباشر وخيارات الواحد في غنى عنها
في برنامج تورنت انا متابعو من زمن بس لسة ما في نسخة مستقرة بس اعتقد حيكون احسن واحد اسمو ...لو جبته اسمو الهوا بقسموا
لكن مامشكلة يرخص ليكم الغالي اسمو
Qtorrent
وده موقع البرنامج ممكن تحملوهو وتجربوهو بس على مسئوليتكم
[ندعوك للتسجيل في المنتدى أو التعريف بنفسك لمعاينة هذا الرابط]
اتمنى انكم تكونو استمتعتو بالموضوع
المرة الجاية حاجيب ليكم احسن مواقع التورنت المحانية للتحميل منها
تحياتي